自從父母過身了後,因職寡仔載誌遂誠少返去故鄉。是工課的無閒,是足鳌暈車,所以,不管想茨的心情糾纏,抑是捌偷偷矣流毋情願的目屎,攏共款無可奈何!竟然職下拖赫尼仔長的三冬日子,今碼,交通距離攏毋是問題,而是揣袂出時間,即是困擾抑只好按仍過日,家己想想咧益誠可悲,無法度從心所欲。
青山綠水依舊,雲波水影無變,黃昏的日頭猶原美麗!冊櫥積一重塗沙,有一絲絲仔毋甘,阿爸的月琴及三弦共款吊佇壁邊,阿母的鏡台反射出我的心情!四界巡巡看看,咦?三十冬前我所抄寫的筆記,哇,抑閣佇咧呢,二哥並無共我物件撣搡。
彼是我收集的現代詩共好聽的歌詞,是我用心兌報紙看著共抄起來,抑有同學互我的詩詞,看我當初的筆跡,嘛忍袂椆家己訶較袂臭臊,我寫共不理阿整齊端正咧,掀看內容,遐的歌詞共新詩我嘛差不多袂記得了了,揣遮首袂稗聽的日本民歌的歌詞,佮打字記起來,做一個青春紀錄。
(一)荒城之夜
夜半荒城聲寂靜 月光淡淡明
昔日高樓賞花人 而今無蹤影
玉砌朱牆何處尋 碎瓦滿孤亭
明月永恆最多情 夜夜到天明
(二)荒城之月
更深夜靜人以息 微風秋蟲鳴
晴空萬里無雲跡 皓月懸當空
明月千古總相似 沉落又東昇
亭台樓閣今何在 明月照荒城