週二 3月 07, 2006 10:20 pm
彼日，阿爸指著電視內兮犀牛向阮講起：「汝細漢著
重病燒幾落工袂退，人攏講無效好準備草席；阿爸阿母唔死心，抈汝去添一仙仔用伊
的尾帖藥，貴篸篸的犀牛角磨粉轉來灌，猶原也是一屑仔氣絲爾……。」
阿爸手一比繼續講：「就是匟置彼位啦，將汝匟佇粟倉塗跤兩三工！」
阮偎近阿爸肩胛頭細聲講：阿爸阿爸我知 疼囝入心肝，硬唯閻王遐，強將阮搶轉
來，唔是醫生爻 。
阿爸喙仔笑笑笑， 講：「注該汝是卜綴阮食穿啦！」
彼日，阿爸指著電視內兮犀牛向阮講起：「汝細漢著
重病燒幾落工袂退，人攏講無效好準備草席；阿爸阿母唔死心，抈汝去添一仙仔用伊
的尾帖藥，貴篸篸的犀牛角磨粉轉來灌，猶原也是一屑仔氣絲爾……。」
阿爸手一比繼續講：「就是匟置彼位啦，將汝匟佇粟倉塗跤兩三工！」
阮偎近阿爸肩胛頭細聲講：阿爸阿爸我知 疼囝入心肝，硬唯閻王遐，強將阮搶轉
來，唔是醫生爻 。
阿爸喙仔笑笑笑， 講：「注該汝是卜綴阮食穿啦！」
