籤詩

台語文學發表園地
每日限貼兩篇

版主: 5656

用目屎刻印期待兮句字
箸便是一副卜算未來兮籤詩
抽一支籤詩
佇黃昏也未來侵蝕
碗裡面飯湯猶原燒絡兮時陣
親像聽見汝底耳孔邊輕輕阿喊:「阿嬤,得呷乎飽。」
爾是阮吞落喉汝回頭兮影身
一吞下就二十年
挾蕃薯葉是舊時彼雙柴仔箸
陪阮佇冷唧唧厝亭阿腳看顧昨日
阮,來抽一支籤詩
算汝兮影身汝兮方位算汝倒轉來兮時
撥睛目周一看──大吉
是不是明阿在透早一經醒
就看到汝捧著燒滾滾兮糜湯坐佇阮身邊?

簡明..
真感動人的詩文 :P
下面有幾字是我的用字
純粹是我個人看法
你若無認同無要緊
只是互相參考啦^__^


用目屎刻印期待兮句字→用目屎刻印期待兮字句

抽一隻籤詩 →抽一支籤詩


碗裡面飯湯猶原燒絡兮時純→ 碗內面飯湯猶原燒絡兮時陣

一吞下就二十年→ 一吞就二十年

阮,來抽一隻籤詩---阮,來抽一支籤詩

是不是冥阿在透早一經醒→ 是不是明阿在透早一清醒
5656 寫:
簡明..
真感動人的詩文 :P
下面有幾字是我的用字
純粹是我個人看法
你若無認同無要緊
只是互相參考啦^__^


用目屎刻印期待兮句字→用目屎刻印期待兮字句

抽一隻籤詩 →抽一支籤詩


碗裡面飯湯猶原燒絡兮時純→ 碗內面飯湯猶原燒絡兮時陣

一吞下就二十年→ 一吞就二十年

阮,來抽一隻籤詩---阮,來抽一支籤詩

是不是冥阿在透早一經醒→ 是不是明阿在透早一清醒


!驚!甘是聯網蓋出名e彼位5566大尾?多謝汝唸阮兮詩甲指教^^~
無知汝欲來阮兮低厝阿坐,就出門做事,有失遠迎,實在失禮!望汝海涵。
大仔兮「藏起來的歌詩」這首詩裡面帶著金厚重e情感,不甘阿是對青春流逝兮感慨,更透露出對故鄉e愛。詩兮心思甲阮同款,佇這向汝問安。

簡明..
你上恐怖
叫我大仔
這擺毋是跋落椅爾爾
親像爬眛起來 :oops:

簡明組喔巴桑俱樂部
5656頭一個報名^_^
:P
5656 寫:
簡明..
你上恐怖
叫我大仔
這擺毋是跋落椅爾爾
親像爬眛起來 :oops:

簡明組喔巴桑俱樂部
5656頭一個報名^_^
:P


大仔午安!
其實阮e台語講得不輪轉,嘛不會寫羅馬拼音,只不過本著對鄉土e熱情,就想欲試看邁。大仔以後一定愛嚴厲對阮批評指教(可以參考小松小柏模式),如此阮才有進步e機會。
問安。^^~

簡明..
我想你進前攏是本著講台語的心來寫你的心情
並無想著你會使〈可以〉正正經經寫一篇台語文
所以才無去深入研究斟酌用字
其實真簡單,只要有心,知的字就愈來愈濟〈多〉
我置〈在〉頂懸有貼一個網址,內面有真濟〈很多〉台語文用字
是ㄧ位真有心的老師所收集的
簡明會當〈可以〉參考。

阿你的喔巴桑俱樂部的宗旨是什物〈什麼〉
阮攏無知,我想網路真濟喔巴桑應該真有當發揮
只要是正面的,我感覺真好 ^__^
多謝大仔提供兮參考網址,對阮金有幫助,不過裡面有一些用法甲阮之前讀過兮台語文刊用法無完全相像,音唸起猶原同款,只是國語用字不同,是不是台語文只要音與義接近符合就攏可以使用哩?
親像:小孩-囡阿?囝仔?
一大群-規大陣?歸大陣?
休想-免數想?免肖想?
……等等,拜託大仔甲阮指點,阿無下暗會睏昧去。
另外,多謝大仔支持歐巴桑俱樂部,宗旨喔???咦?阮也是先將台語文學好卡有影,哈哈哈。
問好。

簡明..
先簡單向你講我的看法...我等下要出門^_^閣驚你睏未去 :wink:
我選字第ㄧ上好音有..意思也相仝..案尼上好
第二..音無意思愛仝
提供的網頁只是參考用
台語還有地方的腔口、甚至仝物件卻是完全無相仝的講法
上重要是愛合台語的講法

歸工..規工攏有人寫..ㄧ般也攏看有
我是盡量用通俗無艱難合意思的字

囝...嬰兒的通稱
囡..指查某囝嬰
簡明 寫:


用目屎刻印期待兮句字
句字..較鬥搭〈相稱〉的講法叫..句讀〈音豆〉

箸便是一副卜算未來兮籤詩
抽一支籤詩
佇黃昏也未來侵蝕
飯湯猶原燒絡兮時陣
親像聽見汝底耳孔邊輕輕阿:「阿嬤,呷乎飽。」
喊〈hai3 喊囡仔的喊〉

爾是阮吞落喉汝回頭兮影身
一吞下就二十年
挾蕃薯葉是舊時彼雙柴仔箸
陪阮佇冷唧唧厝亭阿腳看顧昨日
阮,來抽一支籤詩
算汝兮影身汝兮方位算汝倒轉來兮時
撥睛目周一看──大吉
是不是明阿在透早一經醒
就看到汝捧著燒滾滾兮糜湯坐佇阮身邊?

5656 寫:
簡明..
先簡單向你講我的看法...我等下要出門^_^閣驚你睏未去 :wink:
我選字第ㄧ上好音有..意思也相仝..案尼上好
第二..音無意思愛仝
提供的網頁只是參考用
台語還有地方的腔口、甚至仝物件卻是完全無相仝的講法
上重要是愛合台語的講法

歸工..規工攏有人寫..ㄧ般也攏看有
我是盡量用通俗無艱難合意思的字

囝...嬰兒的通稱
囡..指查某囝嬰


囝 用佇囝兒後生 汝生幾個囝

囡 用佇囡仔序細
兩字音無相共
囝有囝佮囡仔的音...囡干礁有囡仔的音

居士..
我查過字典
囝..用置幼齡的查甫囝仔嬰
囡..用置幼齡的查某囝仔嬰
汝講的真有道理..我的認捌是按呢..參考
兒子叫囝..查甫囝..查某囝..囝婿是半囝 用佇大人
參囡仔共音 用咧小孩子 囝仔人..囝仔工..生囝仔
囡仔大多數是指女兒.女孩咧用

毋過有時若寫 囝仔囝..汝敢知啥意思..按怎念
毋成囝 、囝仔 、死囝仔..毋知是念囝或者囡

即陣較濟的人 音是囡仔 攏寫做囡仔..無寫做囝
像大人囡仔..囡仔兄..抾囡仔...囡仔物..搖囡仔歌
攏無的確是查某囡仔才用囡仔...

董忠司的閩南語字典
囡...解釋 1.小孩子 2.孩子、女兒 3.年輕人

學者陳憲國對照典..嘛是按呢用法

教育部版國語辭典
囡註解...指小女孩,或泛指小孩子。
囡仔註解..父母親或其他親長對小孩兒的暱稱。如:爺爺說:囡仔!過來幫爺爺搥搥背

居士..
我看到霧颯颯^_^

通常我寫文的時
寫的人物如果是查甫.我就用囝這字
如果寫的是查某的.我就用囡這字
如果只是ㄧ句形容詞.或是俗語之類.無男女之分的時
我就通寫囝這字



以上是講出看法,大家討論
無歹意喔 ^__^
5656 寫:
居士..
我看到霧颯颯^_^

通常我寫文的時
寫的人物如果是查甫.我就用囝這字
如果寫的是查某的.我就用囡這字
如果只是ㄧ句形容詞.或是俗語之類.無男女之分的時
我就通寫囝這字



以上是講出看法,大家討論
無歹意喔 ^__^


用心說明..人亦是看甲霧颯颯
唉..我真頇顢..罷了

哈哈哈...
居士歹勢啦
5656就頭腦簡單
傷複雜就花去 :oops:
謝謝兩位大大的指教,56姐的說法是一般通用的說法,許前輩的則是比較學理。
曾經聽過一位台語作家演講,他說台語文學是接近生活的文學,應該是一看便能讀上口的,而不是艱澀地將人考倒。
聽說台語文每個字其實都有固定用法的,只是尚未完全整理出來。
問好了。
許居士

以下講法正確
因為這是通常講話深入的用意
因此台語欲學好真是無簡單
同一字置無同所在不只無同音意思亦無同



兒子叫囝..查甫囝..查某囝..囝婿是半囝 用佇大人
參囡仔共音 用咧小孩子 囝仔人..囝仔工..生囝仔
囡仔大多數是指女兒.女孩咧用

毋過有時若寫 囝仔囝..汝敢知啥意思..按怎念
毋成囝 、囝仔 、死囝仔..毋知是念囝或者囡

即陣較濟的人 音是囡仔 攏寫做囡仔..無寫做囝
像大人囡仔..囡仔兄..抾囡仔...囡仔物..搖囡仔歌
攏無的確是查某囡仔才用囡仔...

董忠司的閩南語字典
囡...解釋 1.小孩子 2.孩子、女兒 3.年輕人

學者陳憲國對照典..嘛是按呢用法

教育部版國語辭典
囡註解...指小女孩,或泛指小孩子。
囡仔註解..父母親或其他親長對小孩兒的暱稱。如:爺爺說:囡仔!過來幫爺爺搥搥背

5656

以下講法亦正確
因為這只是單字的意思

我查過字典
囝..用置幼齡的查甫囝仔嬰
囡..用置幼齡的查某囝仔嬰
擊掌...拍拍手(哇,台語按怎寫?)ㄆㄚ\ ㄆㄡ/ ㄚ\ ...呵呵呵 =v=