週一 6月 06, 2011 11:13 am
2011-05-13 拜五／5656
一種思念一種期待佮一點點啊驚，捲作一道的力量拖著我的腳步行出彰化火車頭，其實我嘛
知悉火車頭 前已非我記 智中的模樣，但就是真想會趕緊跂置火車頭前大力吸著故鄉的空氣。
三步做兩步憑著記智中的路線走找思念的滋味---彰化肉圓，好友問我講真思念對麼？我講思
念的是阮爸爸 ；因為攏 是阮爸爸買返來予我吃，在工作完畢夜深人靜的時，我攏在眠夢中予阮
爸爸叫起來吃肉圓。
我參好友吃完肉圓又塞一碗菜麵入腹肚子內底，凸一個脹脹的腹肚行在已變成生份的街路，
找淡薄啊的熟 悉；好友 問我講是毋是真感傷，我講少寡；其實心內鹹酸苦澀的滋味攏有。
跂置八卦山頂母校的大門口，守衛先生問我講要找啥麼郎，我講我是來懷念的，守衛先生恍
然笑問我講校 友喔，我講 是；被特別允准入去看看咧但是毋好妨礙學生上課；離開已四十冬如今
已變成藝術高中的母校，其 實改變無濟，但當年的 小樹攏變成了大樹。較遺憾的是我已經找未著
當年逃學愛去的忠烈祠公園，毋是不見是 整個大改建，外觀參當年完全無仝 款。
行在八卦山頂真輕鬆，一路樹蔭涼風陣陣；款款行落山我遰好友去一間我熟悉的牛排館吃晚
頓了後，結束 了這個黑色 拜五的八卦山一日之遊。
註解..跂置→站在，置→台語講ㄉ一 改變無濟→改變不多
電子報首頁