2008-10-01

　　台北扶輪社友舉辦「 50歲 代父母寫予子女的短信」活動，舉辦單位真有心
， 毋只有獎狀、還有獎金，還將得獎的作品印作ㄧ本專輯；我一篇一篇詳細讀，
ㄧ 篇有ㄧ位老爸（或是老母）感動人的心內話。

　　我毋是一個多愁善感的女性，人生也已經行過五十幾冬，ㄧ路有風有雨有汗
亦有淚，當然也有失意消沉的時陣，但攏真緊就會將消沉的心情趕出心房，畢竟
繼續啪拼活落去是人生上重要的代誌，這亦是惟阮爸母的身上學來的。

　　真濟爸母平常時攏只是恬恬用心、認真做好做人爸母的角色，攏無將滿腹的
愛講出嘴，但是用筆寫就比較容易表達。寫批予查某子，亦是我時常用來與查某
子溝通的方式；如果你亦是疼愛置心底可是口難開，無妨亦用寫批來予子女了解
，增加家庭的和樂！
　
圖檔