2008-01-16
圖檔

【繼承】

　　閒閒開講時，迭迭攏有聽人講：某人有祖公阿屎，所以ㄧ世人
毋免煩惱吃穿 。

　　『祖公阿屎』就是祖產，序大人拍拚所留落來的財產。

　　但是，有幸出生置好額人兜，繼承了真濟真濟的祖產，有可能
產生四種情形。

　　第一，利用祖產好好經營，又加上家己的好才能、好運氣，將
原來的祖產變作兩倍三倍大。

　　第二，儉儉呀吃、儉儉呀用，一世人安分守己無吃穿的煩惱。 　

　　第三，利用祖產雖然想欲好好經營賺閣較濟的錢，但是無好才
能抑無好運氣，但總是有認真拍拚過日。

　　第四，生活過度浪費、又家己無腳踏實地好好工作，最後祖公
阿產坐吃山空。

　　參政也佮祖公阿產同款道理，現此時的政客過度享受先人先覺
所留落來的成果，無遵照先人先覺的理想繼續拍拚，最後遂白白浪
費先人先覺所流的血汗！

台語用字註解 ..
迭迭→常常　序大人→父母　
好額人兜→有錢人家　真濟真濟→很多很多
閣較濟→再更多　遂→卻，台語音ㄙㄨㄚ˙