【午後雷陣雨】按這可以收聽本文讀音
2007-09-06

　　這是高雄真罕有的現象，大大細細竟然連落一個外月的雨，厝的外口面攏
已經卡青菧，照講這應該是基隆才有的情形。

　　昨，晚頭，一陣大雨親相用潑的，落無半點鐘，朋友的店的彼條街竟然就
小寡漲水；一開始雨水親相捲螺阿捲入去排水溝，但是捲無十分鐘就攏積置路
面，而且愈來愈濟；好佳在，朋友的店是置路面較懸的這邊，並無入水。

　　但是講正經的才落半點鐘的大雨就漲水，實在亦真頇！

　　為何，咱的公共工程永遠眛符合現實的需求呢？

　　逐擺選舉的時攏講愛選賢與能，但是為何選出來的民意代表、地方爸母官
，攏永遠無達到逐家的秧望呢？這點是毋是達值逐家來好好思考！



圖檔