週四 4月 27, 2006 12:00 am
好心倒咧餓，歹心戴王帽
「好心的倒咧餓，歹心的戴王帽」，「歹心的食雷肉，好心的予雷拍」？這，講來話頭長！
行善無得著好報，作惡的人逍遙自在，這是暫時的。任何代誌一造作，就是因，有因便有
果，因待緣起，果待緣生。有時看，假若是有因無果，其實是因種了後，猶未拄著緣，久來
因煞隱藏起來，一直咧等待緣到位，緣到就轉化做果。
緣有兩種，一種是助緣，一種是阻礙的緣。助緣是增加因的力量，阻礙的緣是消磨減少因的
力量。好因拄著助緣，真緊著產生好的果報。好因拄著阻礙的緣，就暫時未當產生好的果報
。歹因拄著助緣，連鞭產生了無好的果報。歹因拄著阻礙的緣，就暫時未當產生歹的果報。
「因」須要「緣」的配合才會結「果」，啥時間會結果？愛看因本身的力頭大細，佮緣的力
頭大細。假使因的本身力頭大，閣加添緣的力頭大，隨著應現果報。一項代誌的因緣果，欲
論起來是真複雜，毋是刣人，果報一定夆刣，迹呢單純。
為啥乜行善無得著好報，作惡多端的煞咧享受？因的力量有早有慢，像咱種豆仔，三個月就
會結果，就若親像犯罪，無偌久就被判刑受罪，得到報應，這世人隨看會著。若是種桃仔種
李仔，就愛經過三、四年才會有結果。聽候到結果，人事已經變遷嘛未記得當初是按怎種的
、誰人種的。
其次，是緣的力量強佮弱的關係，緣的力量具足，果報成熟自然的（tik8）較早。假使助
緣無夠，力頭不足，自然業果的成熟較慢。
各人的業報，參植物相共，伊的成熟時間有長有短、有早有慢有精差，有時隨得著報應，
有時久久才報，有時愛等到後世人才報，毋過，因果未消滅，總有一工善惡到頭總有報。
佛門閣有「善惡未互相抵銷」的講法，值著咱注意。種了惡因，一定會受報，未當做寡好事
來抵銷應得的惡報。毋過，若是善事做真濟，聚住真濟的善緣，會當使惡報由重轉輕；或者
善力加強，使得善果真緊成熟，共惡緣沓沓仔減弱。惡因就親像一杯鹽水，若是加了善因的
汫水，就會當透薄惡果的鹹味，轉為甘甜。按呢，勤做好事、結善緣，煞變做真重要。
業的果報是家己創造來的，家己才是家己性命的主人、命運的主人。一分的拍拚，就有一分
的收成，佛門講「功不唐捐」，意思是肯定搰力，絕對未白了工。
「好心的倒咧餓，歹心的戴王帽」，「歹心的食雷肉，好心的予雷拍」？這，講來話頭長！
行善無得著好報，作惡的人逍遙自在，這是暫時的。任何代誌一造作，就是因，有因便有
果，因待緣起，果待緣生。有時看，假若是有因無果，其實是因種了後，猶未拄著緣，久來
因煞隱藏起來，一直咧等待緣到位，緣到就轉化做果。
緣有兩種，一種是助緣，一種是阻礙的緣。助緣是增加因的力量，阻礙的緣是消磨減少因的
力量。好因拄著助緣，真緊著產生好的果報。好因拄著阻礙的緣，就暫時未當產生好的果報
。歹因拄著助緣，連鞭產生了無好的果報。歹因拄著阻礙的緣，就暫時未當產生歹的果報。
「因」須要「緣」的配合才會結「果」，啥時間會結果？愛看因本身的力頭大細，佮緣的力
頭大細。假使因的本身力頭大，閣加添緣的力頭大，隨著應現果報。一項代誌的因緣果，欲
論起來是真複雜，毋是刣人，果報一定夆刣，迹呢單純。
為啥乜行善無得著好報，作惡多端的煞咧享受？因的力量有早有慢，像咱種豆仔，三個月就
會結果，就若親像犯罪，無偌久就被判刑受罪，得到報應，這世人隨看會著。若是種桃仔種
李仔，就愛經過三、四年才會有結果。聽候到結果，人事已經變遷嘛未記得當初是按怎種的
、誰人種的。
其次，是緣的力量強佮弱的關係，緣的力量具足，果報成熟自然的（tik8）較早。假使助
緣無夠，力頭不足，自然業果的成熟較慢。
各人的業報，參植物相共，伊的成熟時間有長有短、有早有慢有精差，有時隨得著報應，
有時久久才報，有時愛等到後世人才報，毋過，因果未消滅，總有一工善惡到頭總有報。
佛門閣有「善惡未互相抵銷」的講法，值著咱注意。種了惡因，一定會受報，未當做寡好事
來抵銷應得的惡報。毋過，若是善事做真濟，聚住真濟的善緣，會當使惡報由重轉輕；或者
善力加強，使得善果真緊成熟，共惡緣沓沓仔減弱。惡因就親像一杯鹽水，若是加了善因的
汫水，就會當透薄惡果的鹹味，轉為甘甜。按呢，勤做好事、結善緣，煞變做真重要。
業的果報是家己創造來的，家己才是家己性命的主人、命運的主人。一分的拍拚，就有一分
的收成，佛門講「功不唐捐」，意思是肯定搰力，絕對未白了工。
