週三 4月 26, 2006 12:44 pm
伴手、等路
董峰政老前輩有講...
台灣人厚禮數，親情朋友互相往來作客，攏會扎禮物相送，禮物並無貴重，攏用水果、罐頭、土產等喙食物仔，俗語講；「隔壁親家，禮數原在」。
早前台灣交通無方便，若卜出門拜訪親情朋友進前，攏會事先聯絡。主人家為著面子攏會佇厝無閒，僎卡腥臊的料理招待人客，另外派囡仔去路頭等親情朋友，人客為著卜予囡仔歡喜，攏會扎一寡「喙食物仔」、「四秀仔」予囡仔啖糝，著叫做「等路」。
人客卜走的時，一方面是答謝人客手所捾來的「等路」，另外一方面是禮貌上，歹勢予人客空手戽(ho)蹄倒轉去，主人家嘛會準備一寡「土產」等禮物贈送人客，遮個禮物著稱呼做「伴手」。毋管是「等路」，抑是「伴手」，攏叫做「手信仔」。
末學另外看著亦玄編著《新編台語溯源續篇》所寫，意思煞相反。講來的時所帶禮物叫「伴手」，回程帶倒轉去的禮物叫「等路」。「等路」意思是囡仔「等」待大人唯遠「路」親友兜帶倒轉來的禮物。民間有「妗仔愛伴手，姑仔愛等路」的俗諺。
董峰政老前輩有講...
台灣人厚禮數，親情朋友互相往來作客，攏會扎禮物相送，禮物並無貴重，攏用水果、罐頭、土產等喙食物仔，俗語講；「隔壁親家，禮數原在」。
早前台灣交通無方便，若卜出門拜訪親情朋友進前，攏會事先聯絡。主人家為著面子攏會佇厝無閒，僎卡腥臊的料理招待人客，另外派囡仔去路頭等親情朋友，人客為著卜予囡仔歡喜，攏會扎一寡「喙食物仔」、「四秀仔」予囡仔啖糝，著叫做「等路」。
人客卜走的時，一方面是答謝人客手所捾來的「等路」，另外一方面是禮貌上，歹勢予人客空手戽(ho)蹄倒轉去，主人家嘛會準備一寡「土產」等禮物贈送人客，遮個禮物著稱呼做「伴手」。毋管是「等路」，抑是「伴手」，攏叫做「手信仔」。
末學另外看著亦玄編著《新編台語溯源續篇》所寫，意思煞相反。講來的時所帶禮物叫「伴手」，回程帶倒轉去的禮物叫「等路」。「等路」意思是囡仔「等」待大人唯遠「路」親友兜帶倒轉來的禮物。民間有「妗仔愛伴手，姑仔愛等路」的俗諺。
