週四 4月 13, 2006 10:44 pm
【古典詩】 詠 蟬 虞世南
垂緌飲清露，流響出疏桐。
居高聲自遠，非是藉秋風。
注解 ：《緌》是帽仔帶佇在頷頸打結了後，賰的垂落來的所在。遮是指蟬的喙鬚。
《清露》指清涼潔淨的露水。
《流響》是指蟬鳴叫的聲音像流水一樣一直傳過來。
《疏桐》疏，是高大的意思。疏桐，是指高大的桐樹。
《藉》借助。
台譯：樹頂的吉蠳，津落（垂下）來的喙鬚，專心嗍著枝葉甘甜的露水；蔥脆流麗響亮的叫聲，對懸大的梧桐樹頂傳落來，是赫呢自在！ 吉蠳的叫聲會當傳甲赫呢遠，是因為伊攏是跁（爬）上樹仔頂懸懸懸的所在，並毋是借著他力秋風的推捒（推動）。
賞析：詩意是講一個人不貪不取，志氣堅定，人格真高尚，伊毋免去共（給人）扶扶挺挺，三日倚東，四日倚西，自然就會名聲傳千里。
垂緌飲清露，流響出疏桐。
居高聲自遠，非是藉秋風。
注解 ：《緌》是帽仔帶佇在頷頸打結了後，賰的垂落來的所在。遮是指蟬的喙鬚。
《清露》指清涼潔淨的露水。
《流響》是指蟬鳴叫的聲音像流水一樣一直傳過來。
《疏桐》疏，是高大的意思。疏桐，是指高大的桐樹。
《藉》借助。
台譯：樹頂的吉蠳，津落（垂下）來的喙鬚，專心嗍著枝葉甘甜的露水；蔥脆流麗響亮的叫聲，對懸大的梧桐樹頂傳落來，是赫呢自在！ 吉蠳的叫聲會當傳甲赫呢遠，是因為伊攏是跁（爬）上樹仔頂懸懸懸的所在，並毋是借著他力秋風的推捒（推動）。
賞析：詩意是講一個人不貪不取，志氣堅定，人格真高尚，伊毋免去共（給人）扶扶挺挺，三日倚東，四日倚西，自然就會名聲傳千里。
