週一 4月 03, 2006 8:38 pm
鮮尺的花蕊
一個虔誠的佛敎徒，逐工攏對厝裡的花園挽一寡花，送去佛寺供佛。
有一工，伊送花來佛寺的時，真抵好煞搪著無德禪師，禪師誠歡喜就講：「依照經典的記載，時常用花供佛的人，來世會得著莊嚴相好的面貌。」
信徒誠歡喜回答講：「挽花來供佛，是家己發心的，逐擺來到佛殿，心情就像予清水洗過共款，感覺足清涼、足清淨。毋過若轉到厝，心就亂起來，欲按怎佇鬧熱參雜的風塵，保持一粒清淨、純潔的心靈？」
無德禪師問伊講：「鮮花插踮花矸內底，欲按怎保持伊的新嫣？」
信徒回答講：「花欲保持鮮尺，逐工愛替伊換水，過一兩工愛共爛去的根剪一截掉，因為花的柄浸佇水底真緊會爛去，若爛去水份就真歹吸收，就會蔫去！」
無德禪師說：「無錯，保持一粒清淨純潔的心，伊的道理嘛是共款，生活環境就像佇花矸內底的水，咱就是花，，像時常換花矸的水，來變化咱的氣質，有毋著的所在時時來懺悔、反省、檢討，修正家己的過失，親像剪掉花矸腐爛的花枝，將無好的心念，唯心中去除。咱的本性才會佇學習成長中，去除穢垃圾，得著光明顯現。」
信徒真歡喜，就感謝講：「多謝禪師的開示，真想有機會來寺院過著禪者清靜的生活，享受著早起時的鐘聲、暗時的鼓聲，早暗課莊嚴的唱念，彼種心靈的安祥！」
禪師講：「哈哈！佛在靈山莫遠求，靈山只在汝心頭，人人有座靈山塔，好向靈山塔下修，汝的喘氣便是課誦的唱念，氣脈的跳動就是鐘鼓，身軀就是寺院，兩爿耳仔就是菩提，啥乜所在攏是清靜的，那著一定到寺院來咧？古早聖賢講『鬧熱場中作道場』，若準家己會當捨掉雜念妄想，啥乜所在攏是道場！心內如果有罣礙，就算佇深山古寺，猶原無法度靜修。」
心中無有執迷，咱的本性就顯現出來，有執迷，就未當心安理得，親像塵埃沐佇鏡面，失去伊本成的光彩！
一個虔誠的佛敎徒，逐工攏對厝裡的花園挽一寡花，送去佛寺供佛。
有一工，伊送花來佛寺的時，真抵好煞搪著無德禪師，禪師誠歡喜就講：「依照經典的記載，時常用花供佛的人，來世會得著莊嚴相好的面貌。」
信徒誠歡喜回答講：「挽花來供佛，是家己發心的，逐擺來到佛殿，心情就像予清水洗過共款，感覺足清涼、足清淨。毋過若轉到厝，心就亂起來，欲按怎佇鬧熱參雜的風塵，保持一粒清淨、純潔的心靈？」
無德禪師問伊講：「鮮花插踮花矸內底，欲按怎保持伊的新嫣？」
信徒回答講：「花欲保持鮮尺，逐工愛替伊換水，過一兩工愛共爛去的根剪一截掉，因為花的柄浸佇水底真緊會爛去，若爛去水份就真歹吸收，就會蔫去！」
無德禪師說：「無錯，保持一粒清淨純潔的心，伊的道理嘛是共款，生活環境就像佇花矸內底的水，咱就是花，，像時常換花矸的水，來變化咱的氣質，有毋著的所在時時來懺悔、反省、檢討，修正家己的過失，親像剪掉花矸腐爛的花枝，將無好的心念，唯心中去除。咱的本性才會佇學習成長中，去除穢垃圾，得著光明顯現。」
信徒真歡喜，就感謝講：「多謝禪師的開示，真想有機會來寺院過著禪者清靜的生活，享受著早起時的鐘聲、暗時的鼓聲，早暗課莊嚴的唱念，彼種心靈的安祥！」
禪師講：「哈哈！佛在靈山莫遠求，靈山只在汝心頭，人人有座靈山塔，好向靈山塔下修，汝的喘氣便是課誦的唱念，氣脈的跳動就是鐘鼓，身軀就是寺院，兩爿耳仔就是菩提，啥乜所在攏是清靜的，那著一定到寺院來咧？古早聖賢講『鬧熱場中作道場』，若準家己會當捨掉雜念妄想，啥乜所在攏是道場！心內如果有罣礙，就算佇深山古寺，猶原無法度靜修。」
心中無有執迷，咱的本性就顯現出來，有執迷，就未當心安理得，親像塵埃沐佇鏡面，失去伊本成的光彩！
