週二 3月 07, 2006 9:47 pm
台灣莎士比亞情詩欣賞]（1）
土豆卜食
土豆卜食粒粒芳，
迎新棄舊毋是人，
向望兄哥相疼痛，
疼痛阮身姿娘人。
註：姿娘人，姑娘人家
解說：
阿哥仔，汝愛奅七仔，一個接一個，
親像愛食的土豆，逐粒是芳芳芳，
一喙紲一喙。汝未食硞硞綴，食了嫌漚貨，
愛一個，放捒一個，實在毋是老實人。
阿哥啊！請汝毋通僥心，愛疼惜阮，
疼惜阮是純情的查某囡仔人！
註：奅七仔（泡妞兒，奅音怕第7聲）。一喙紲一喙（一口接一口）。
逐粒（每顆，逐音碡）。迮（追逐）。未食硞硞綴（沒東西吃時，
緊跟著不放），食了嫌漚貨（東西吃下口，嫌貨色不夠鮮美），
意思是始亂終棄。僥心（負心）。查某囡仔人（姑娘人家）。
