週五 3月 03, 2006 9:06 pm
已經有一站日子，無用台語寫文；盈暗卜起手落筆，鍵盤一下共揩，紲袂記得字音，因為按尼，思考佮手的動作遂起了衝突，無法度按照思路來寫，實在有較了然。
古早人有一句話塊講：三日無餾爬上樹。確實無剉。
講著這字「餾」，毋知各位先進大德知否？道是共冷去的食物或者隔頓的飯菜，重新炊互燒，遮道是叫做「餾」。我佇這段時間，因為職寡俗事纏身，無彼個心晟通寫，細漢所讀的字益按呢想袂起來，又閣我並無介濟資料通參考，加參有淡薄仔恍惚咧過日，真真是愛好好來懺悔囉。
粿，三日無餾會臭酸；冊，三工無讀會袂記得了了。
我只荒廢一目睨爾，卡早學的紲全部走空空！我著以孔子講的話：「溫故而知新」「學而時習之，不亦悅乎」，自我鼓勵安慰！凡事勤練勤讀，阿若熟自然著徹，阿徹自然著悟，「悟」是足好的道理。
古早人有一句話塊講：三日無餾爬上樹。確實無剉。
講著這字「餾」，毋知各位先進大德知否？道是共冷去的食物或者隔頓的飯菜，重新炊互燒，遮道是叫做「餾」。我佇這段時間，因為職寡俗事纏身，無彼個心晟通寫，細漢所讀的字益按呢想袂起來，又閣我並無介濟資料通參考，加參有淡薄仔恍惚咧過日，真真是愛好好來懺悔囉。
粿，三日無餾會臭酸；冊，三工無讀會袂記得了了。
我只荒廢一目睨爾，卡早學的紲全部走空空！我著以孔子講的話：「溫故而知新」「學而時習之，不亦悅乎」，自我鼓勵安慰！凡事勤練勤讀，阿若熟自然著徹，阿徹自然著悟，「悟」是足好的道理。
